"Chelsi" qishda Mixail Mudrikni sotib olish uchun 98 million funtdan voz kechgan edi. Ukrainalik hujumchining tezligi uning eng asosiy qurollaridan biri sanaladi. Shunga qaramay, yaqinda ma’lum bo‘ldiki, Mudrik APLdagi eng tezkor yulduz emas. Bu nom ko‘pchilikka ma’lum bo‘lmagan futbolchiga nasib etdi. Ukraina terma jamoasi a’zosi APLga yanvarda kelgandi. U o‘zining debyut o‘yinidayoq qanchalik tezkor ekanini namoyish etgan. Mudrik "Liverpul" bilan bahsda 20 daqiqa harakat qila turib, o‘z imkoniyatlarini ko‘rsarib qo‘ya olgandi.

22 yoshli hujumchi soatiga 36.3 kilometr tezlikda harakat qiladi. Bu esa oldingi rekordchi Entoni Gordon tezligidan 0.2 kilometrga ko‘proqdir. Biroq, hozir bu borada vaziyat o‘zgarib qoldi. Tezlik borasida yangi nom paydo bo‘ldi. "Nottingem Forest" yulduzi Brennan Jonsonning maksimal tezligi 36.7 kilometrga teng deb topildi. U bu bilan Mudrikdan o‘zib ketdi.

To‘rtinchi pog‘onani "Liverpul" vingeri Darvin Nunyes band etdi. Undan keyin esa "Vulverxempton Uonderers" vakili Mateus Nunec joylashgan. APLning eng yaxshi to‘purari bo‘lib turgan Erling Xolandning darajasi 36.22 kilometrni tashkil etadi. Kuchli o‘ntalikda, shuningdek, yana bir "Chelsi" yulduzi Denis Zakaria ham bor. Ammo ijaraga olingan futbolchi jarohatlar sabab maydonga tusha olmayapti.

"Arsenal" futbolchilari Kiran Tirni va Gabriel Martinellilar ham tezlik borasida chakki emas. Markus Reshford bilan esa ro‘yxat yakunlanadi. Shunday qilib, tezlik jabhasida yangi yetakchi paydo bo‘ldi. Jonson kelayotgan yozda top klublar tomonidan ilib ketilishi mumkin. To‘liq statistikali ro‘yxatni rasmda ham tomosha qilishingiz mumkin.

ISMATOV J.