Kuni kecha mashhur L'Equipe nashri turli ligalardagi futbolchilar va murabbiylarning maoshlari haqidagi ma’lumotlarni e’lon qildi. Agar siz Ispaniya La ligasini olsangiz, hayratda qolasiz, eng ko‘p maosh oladigan futbolchi Eden Azar bo‘lib, belgiyalik vinger oyiga 2,25 million yevro maosh oladi.
Ikkinchi o‘rinda “Barselona” hujumchisi Robert Levandovski oyiga 2,17 million yevro maosh oladi. Keyingi o‘rinlarda Serxio Buskets (1,91 mln yevro), David Alaba (1,88 mln yevro), Vinisius Junior, Jordi Alba va Yan Oblak (1,67 mln yevro).
Eden Azar 2019 yilda “Real Madrid”ga ko‘chib o‘tgan, biroq vazn muammolari va tez-tez jarohatlar tufayli Madridda o‘zini ko‘rsata olmadi.
