"Benfika" hujumchisi Gonsalu Ramush faoliyatini davom ettirish uchun afzalroq variant haqida qaror qabul qildi.
21 yoshli futbolchiga Yevropa futbolining ko‘plab gigantlari qiziqish bildirmoqda va Lissabon jamoasi o‘sib borayotgan yulduzni sotishdan kamida 100 million yevro ishlab olishni maqsad qilgan. Diario AS xabariga ko‘ra, Ramushning o‘zi La Liga klublaridan biriga o‘tmoqchi. Biroq ayni damda portugaliyalikni faqat bitta ispan klubi – “Real Madrid” sotib olishga harakat qilishi mumkin.
Ramush "Benfika" safida ushbu mavsumda barcha musobaqalarda 36 o‘yinda 24 gol va 10 golga assistentlik qilgan.