"Nissa" yarim himoyachisi Kefren Tyuramga Angliya Premyer-ligasining bir qator vakillari qiziqish bildirmoqda.
Fransiyalik futbolchi uzoq vaqtdan beri "PSJ"ning e’tiborida edi va bu transfer o‘tgan yiliyoq amalga oshishi mumkin edi. RMC Sport xabariga ko‘ra, parijliklar Tyuram taraqqiyotini kuzatishda davom etmoqda, biroq o‘rta chiziqni mustahkamlash ular uchun bozorda ustuvor vazifa emas. Yarim himoyachini qo‘lga kiritish uchun kurashmoqchi bo‘lgan "Manchester Yunayted", "Liverpul", "Nyukasl" va Germaniyaning "RB Leypsig" klublari vaziyatdan unumli foydalanishlari mumkin.
Transfermarkt ma’lumotlariga ko‘ra, Kefren Tyuramning narxi 32 million yevroni tashkil qiladi. 23 yoshli futbolchi joriy mavsumda “Nissa” safida 39 ta o‘yinda maydonga tushib, 2 ta gol urdi va 8 ta golli uzatmani amalga oshirdi.
