"Ницца" ярим ҳимоячиси Кефрен Тюрамга Англия Премьер-лигасининг бир қатор вакиллари қизиқиш билдирмоқда.
Франциялик футболчи узоқ вақтдан бери "ПСЖ"нинг эътиборида эди ва бу трансфер ўтган йилиёқ амалга ошиши мумкин эди. RMC Sport хабарига кўра, парижликлар Тюрам тараққиётини кузатишда давом этмоқда, бироқ ўрта чизиқни мустаҳкамлаш улар учун бозорда устувор вазифа эмас. Ярим ҳимоячини қўлга киритиш учун курашмоқчи бўлган "Манчестер Юнайтед", "Ливерпуль", "Ньюкасл" ва Германиянинг "РБ Лейпциг" клублари вазиятдан унумли фойдаланишлари мумкин.
Transfermarkt маълумотларига кўра, Кефрен Тюрамнинг нархи 32 миллион еврони ташкил қилади. 23 ёшли футболчи жорий мавсумда “Ницца” сафида 39 та ўйинда майдонга тушиб, 2 та гол урди ва 8 та голли узатмани амалга оширди.
