"Barselona" prezidenti Joan Laporta Lionel Messining jamoaga qaytishi ustida ishlashni rejalashtirgan.
Argentinalik futbolchi va Kataloniyaning asosiy klubi o‘rtasidagi munosabatlar 2021 yilda futbolchi ketishga majbur bo‘lgach, keskinlashgan. Ma’lumki, Messi "Barselona"ga qaytishga tayyor, ammo o‘tish jarayoni amalga oshishi uchun Laporta u bilan aloqa o‘rnatishi kerak. Jurnalist Toni Xuanmartining so‘zlariga ko‘ra, "ko‘k-anorranglilar" prezidenti 35 yoshli hujumchini shu yozda qaytarish uchun hamma narsani qiladi, agar bu klubning moliyaviy farovonligiga putur yetkazmasa.
Lionel Messining parijliklar bilan shartnomasi shu yilning iyun oyida yakuniga yetadi.
