“Barselona” vingeri Usmon Dembele Yevropaning boshqa top-klubiga o‘tishi mumkin. El Nacional xabariga ko‘ra, fransiyalik futbolchi "PSJ"ning transfer maqsadiga aylangan. Parijliklar Lionel Messini saqlab qololmasalar, Dembeleni sotib olishga harakat qilishadi. 35 yoshli argentinalik futbolchining shartnomasi joriy mavsum oxirida yakuniga yetadi.

Avvalroq Usmonga Myunxenning "Bavariya" klubidan qiziqish borligi ma’lum bo‘lgandi. Futbolchining transfer narxi 60 million yevro.

Dembele joriy mavsum La Ligada 18 ta o‘yinda maydonga tushib, 5 ta gol va 5 ta golli uzatmaga mualliflik qilgan. Uning shartnomasi 2024 yilning yoziga qadar mo‘ljallangan.