“Барселона” вингери Усмон Дембеле Европанинг бошқа топ-клубига ўтиши мумкин. El Nacional хабарига кўра, франциялик футболчи "ПСЖ"нинг трансфер мақсадига айланган. Парижликлар Лионель Мессини сақлаб қололмасалар, Дембелени сотиб олишга ҳаракат қилишади. 35 ёшли аргентиналик футболчининг шартномаси жорий мавсум охирида якунига етади.
Аввалроқ Усмонга Мюнхеннинг "Бавария" клубидан қизиқиш борлиги маълум бўлганди. Футболчининг трансфер нархи 60 миллион евро.
Дембеле жорий мавсум Ла Лигада 18 та ўйинда майдонга тушиб, 5 та гол ва 5 та голли узатмага муаллифлик қилган. Унинг шартномаси 2024 йилнинг ёзига қадар мўлжалланган.