Top-5 ligada bir jamoadan tashqari hech kim «Barselona»dan ko‘ra ko‘proq mehmonda g‘alaba qozona olmadi.

Xavi shogirdlari La Liganing 27-turida safarda «Elche»ni mag‘lub etishdi (4:0). Hozirda kataloniyaliklar hisobida Ispaniya chempionati safar maydonlarida 12 ta g‘alaba bor.

Yevropaning top-5 ligasi ishtirokchilari orasida faqat «Napoli» mehmonda shunchalik ko‘p g‘alaba qozongan - A Seriyada neapolliklar raqib maydonida 12 marta zafar quchgan.

Keyingi safar «ko‘k-anorranglilar» 16 aprel kuni mehmonda - «Xetafe»da o‘ynaydi.