«Bavariya» himoyachisi Benjamen Pavar klubdagi kelajagi haqidagi savolga javob berdi.
27 yoshli futbolchining shartnomasi 2024 yilning iyunida yakuniga yetadi. Mish-mishlarga ko‘ra, agar u yangi shartnoma imzolamasa, «Bavariya» fransiyalik futbolchini shu yilning yozida sotishi mumkin. Futbolchiga «Barselona» va «Inter» da’vogarlik qilmoqda.
«Ayni damda klub bilan shartnomani uzaytirish borasida muzokaralar olib bormayapman.
Joriy mavsumda o‘z oldimizga qo‘ygan maqsadlarni amalga oshirishga to‘liq e’tibor qaratganmiz. Men jamoaga imkon qadar foydali bo‘lish, sovrinlarni yutishda yordam berish uchun hamma narsani qilaman.
Keyin nima bo‘lishini yozda ko‘ramiz», - dedi myunxenlik futbolchi Telefoot nashriga bergan intervyusida.
