«Бавария» ҳимоячиси Бенжамен Павар клубдаги келажаги ҳақидаги саволга жавоб берди.
27 ёшли футболчининг шартномаси 2024 йилнинг июнида якунига етади. Миш-мишларга кўра, агар у янги шартнома имзоламаса, «Бавария» франциялик футболчини шу йилнинг ёзида сотиши мумкин. Футболчига «Барселона» ва «Интер» даъвогарлик қилмоқда.
«Айни дамда клуб билан шартномани узайтириш борасида музокаралар олиб бормаяпман.
Жорий мавсумда ўз олдимизга қўйган мақсадларни амалга оширишга тўлиқ эътибор қаратганмиз. Мен жамоага имкон қадар фойдали бўлиш, совринларни ютишда ёрдам бериш учун ҳамма нарсани қиламан.
Кейин нима бўлишини ёзда кўрамиз», - деди мюнхенлик футболчи Telefoot нашрига берган интервьюсида.
