Lionel Messi "PSJ" safida bir oydan beri gol ura olmayapti.
Bugun argentinalik futbolchi Liga 1ning 29-turida "Lion" bilan butun o‘yinni (0:1) maydonda o‘tkazdi, ammo samarali harakatlari bilan ajralib tura olmadi.
Hujumchi oxirgi marta 4 mart kuni "Nant" bilan o‘yinda (4:2) parijliklar safida gol urgan edi. O‘shandan beri u 4 ta o‘yinda gol urmagan. Bu 2022 yil sentyabr oyidan beri sodir bo‘lmagandi.
Shu bilan birga, Messi Argentina terma jamoasi safida mart oyidagi ikkita o‘yinda to‘rt marta gol urgan: Kyurasao bilan (7:0) xet-trik va Panama darvozasiga gol (2:0).