Лионель Месси "ПСЖ" сафида бир ойдан бери гол ура олмаяпти.
Бугун аргентиналик футболчи Лига 1нинг 29-турида "Лион" билан бутун ўйинни (0:1) майдонда ўтказди, аммо самарали ҳаракатлари билан ажралиб тура олмади.
Ҳужумчи охирги марта 4 март куни "Нант" билан ўйинда (4:2) парижликлар сафида гол урган эди. Ўшандан бери у 4 та ўйинда гол урмаган. Бу 2022 йил сентябрь ойидан бери содир бўлмаганди.
Шу билан бирга, Месси Аргентина терма жамоаси сафида март ойидаги иккита ўйинда тўрт марта гол урган: Кюрасао билан (7:0) хет-трик ва Панама дарвозасига гол (2:0).