"Yuventus" yarim himoyachisi Manuel Lokatelli yozgi transferlar vaqtida jamoani tark etish niyatida emas.
25 yoshli italiyalik futbolchi mavsum yakunida klub Chempionlar ligasiga chiqa olmasa, "keksa sinyora" safini tark etishi mumkin bo‘lgan futbolchilar qatoridan joy oldi. Mish-mishlarga ko‘ra, "Arsenal" Lokatelliga qiziqish bildirmoqda, biroq yarim himoyachi boshqa joyga ko‘chib o‘tishni rejalashtirmayapti, deb xabar beradi Calciomercato. U keyingi mavsumda "Yuventus"da o‘ynashni davom ettirmoqchi.
Manuel Lokatelli joriy mavsumdagi 35 o‘yinda bitta golli uzatmani amalga oshirdi. Transfermarkt uning transfer qiymatini 30 million yevroga baholamoqda.