"Ювентус" ярим ҳимоячиси Мануэль Локателли ёзги трансферлар вақтида жамоани тарк этиш ниятида эмас.
25 ёшли италиялик футболчи мавсум якунида клуб Чемпионлар лигасига чиқа олмаса, "кекса синьора" сафини тарк этиши мумкин бўлган футболчилар қаторидан жой олди. Миш-мишларга кўра, "Арсенал" Локателлига қизиқиш билдирмоқда, бироқ ярим ҳимоячи бошқа жойга кўчиб ўтишни режалаштирмаяпти, деб хабар беради Calciomercato. У кейинги мавсумда "Ювентус"да ўйнашни давом эттирмоқчи.
Мануэль Локателли жорий мавсумдаги 35 ўйинда битта голли узатмани амалга оширди. Transfermarkt унинг трансфер қийматини 30 миллион еврога баҳоламоқда.
