Londonning “Chelsi” klubi yarim himoyachisi Konor Gallaxer faoliyatini boshqa ingliz klubida davom ettirishi mumkin. The Independent nashri xabariga ko‘ra, yarim himoyachiga "Liverpul" qiziqish bildirmoqda.
Mersisaydliklar bosh murabbiyi Yurgen Klopp futbolchining transferi bilan shaxsan qiziqmoqda. Nemis murabbiyi yarim himoya chizig‘ini tiklamoqchi va Gallaxerni bu borada munosib nomzod sifatida ko‘rmoqda.
O‘z navbatida, "aristokratlar" Gallaxerni sotishga tayyor. Bu transfer klubga moliyaviy feyr-pley doirasida yordam beradi.
Konor joriy mavsumda Premyer-ligada 25 ta o‘yinda maydonga tushdi. Yarim himoyachi bitta gol va bitta golli uzatmani amalga oshirdi.
