Лондоннинг “Челси” клуби ярим ҳимоячиси Конор Галлахер фаолиятини бошқа инглиз клубида давом эттириши мумкин. The Independent нашри хабарига кўра, ярим ҳимоячига "Ливерпуль" қизиқиш билдирмоқда.
Мерсисайдликлар бош мураббийи Юрген Клопп футболчининг трансфери билан шахсан қизиқмоқда. Немис мураббийи ярим ҳимоя чизиғини тикламоқчи ва Галлахерни бу борада муносиб номзод сифатида кўрмоқда.
Ўз навбатида, "аристократлар" Галлахерни сотишга тайёр. Бу трансфер клубга молиявий фейр-плей доирасида ёрдам беради.
Конор жорий мавсумда Премьер-лигада 25 та ўйинда майдонга тушди. Ярим ҳимоячи битта гол ва битта голли узатмани амалга оширди.