Frankfurtning “Ayntraxt” klubi yarim himoyachisi Yesper Lindstrem “Liverpul”ga o‘tishi haqidagi mish-mishlarga izoh berdi. Avvalroq daniyalik futbolchining xizmatlariga "mersisaydliklar" klubi qiziqish bildirayotgani haqida xabar berilgandi.
"Men "Liverpul" muxlisiman, qaysidir nuqtai nazardan bu jamoada o‘ynash ajoyib bo‘lardi. Mish-mishlarni eshitib, ularning rostmi yoki yo‘qligini bilishga qiziqib qoldim. Axir men bu jamoaning muxlisiman", - dedi Lindstrem Liverpool Echo bilan suhbatda.
Lindstrem Bundesliganing joriy mavsumida 7 ta gol urdi va ikkita golli uzatmani amalga oshirdi. Yarim himoyachining xizmatlariga avvalroq Londonning “Arsenal” klubi ham qiziqish bildirayotgan edi.
