Emmanuel Peti kecha Lionel Messiga adovatda bo‘lgan «PSJ» muxlislarini tanqid qildi.
«Park de Prens» o‘yingohidagi muxlislar argentinalik hujumchidan noroziligini bildirishdi.
«Buni eshitganimda, men uchun bu futbolni haqorat qilishdir. Tushundimki, bugun bir to‘da itlar faqat Messi va Neymarga mazg‘ava ag‘darish haqida o‘ylashmoqda. Lekin agar Lionelga maslahat bera olsam, unga bu yerdan ketishini aytgan bo‘lardim!
Bu futbol klubi emas, balki yaqinda nafaqaga chiqadiganlar yig‘ilgan klub. Messi aybdormi? U maestro, uning atrofidagi o‘yinchilar harakat qilishlari kerak. Verratti va boshqalar... to‘pni so‘rashadi, lekin o‘zlari hech qanday qaror qabul qilmaydi», – dedi Peti.
