Эммануэль Пети кеча Лионель Мессига адоватда бўлган «ПСЖ» мухлисларини танқид қилди.
«Парк де Пренс» ўйингоҳидаги мухлислар аргентиналик ҳужумчидан норозилигини билдиришди.
«Буни эшитганимда, мен учун бу футболни ҳақорат қилишдир. Тушундимки, бугун бир тўда итлар фақат Месси ва Неймарга мазғава ағдариш ҳақида ўйлашмоқда. Лекин агар Лионелга маслаҳат бера олсам, унга бу ердан кетишини айтган бўлардим!
Бу футбол клуби эмас, балки яқинда нафақага чиқадиганлар йиғилган клуб. Месси айбдорми? У маэстро, унинг атрофидаги ўйинчилар ҳаракат қилишлари керак. Верратти ва бошқалар... тўпни сўрашади, лекин ўзлари ҳеч қандай қарор қабул қилмайди», – деди Пети.
