"Liverpul"ning ikki futbolchisi bugun Angliya Premyer-ligasi doirasida bo‘lib o‘tadigan Londonning "Chelsi" jamoasiga qarshi o‘yingacha tiklanishga ulgurmadi. Bosh murabbiy Yurgen Klopp yarim himoyachilar Luis Dias va Tyago Alkantara "aristokratlar"ga qarshi o‘yin uchun tarkibda bo‘lmasligini aytdi.
“Luis Dias ertangi o‘yinda maydonga tushmaydi. U "Arsenal" bilan o‘yinga qaytadi deb ayta olmayman, bu dargumon. Tyagoga kelsak, keling, u keyingi kunlarda qanday ko‘rinishda bo‘lishini ko‘ramiz, ammo ertaga u aniq maydonga tushmaydi”, - dedi Klopp matbuot anjumanida.
Eslatib o‘tamiz, Dias kuzda jarohat olgan, Tyago esa so‘nggi bir necha haftani o‘tkazib yuborgandi.