Londonning "Arsenal" klubi himoyachisi Nunu Tavareshning kelajagini hozircha hal qilmagan. Eslatib o‘tamiz, portugaliyalik ushbu mavsumda ijara asosida "Marsel" safida harakat qilmoqda.
Jurnalist Fabrisio Romanoning yozishicha, futbolchi haligacha "Arsenal" rahbariyati bilan kelajagi haqida gaplashmagan. Muzokaralar may oyiga rejalashtirilgan.
Tavaresh Lissabonning "Benfika" klubidan transfer qilinganidan bir yil o‘tib "Arsenal"ni tark etdi. Joriy mavsumda portugaliyalik futbolchi Fransiya chempionatida 25 ta o‘yin o‘tkazib, 6 ta gol urgan. Oldinroq “Marsel” mavsum yakunida himoyachini sotib olishni rejalashtirmagani haqida xabar berilgandi.
