"PSJ" sog‘lig‘i bilan bog‘liq muammolar tufayli Neymarni hech kim sotib olmasligidan qo‘rqmoqda.
Le Parisen xabariga ko‘ra, Neymarning sotilishi Kilian Mbappe bilan shartnomani uzaytirish shartlaridan biri bo‘lgan. Malumotlarga ko‘ra, braziliyalik hujumchiga "Chelsi" qiziqmoqda.
Biroq Neymarning sog‘lig‘i transferga xalaqit berishi mumkin. "PSJ" rahbariyati braziliyalik tez-tez jarohat olayotgan oyoqlari holati tufayli yangi klubida tibbiy ko‘rikdan o‘tmasligidan xavotirda - xususan, klubda futbolchining ikki oyog‘ining to‘piq bo‘g‘imlari holati xavotir uyg‘otmoqda.
Mart oyida Neymar o‘ng to‘pig‘idan olgan jarohatidan so‘ng ligamentlarini tiklash bo‘yicha operasiya qilingan edi. U mavsum oxirigacha "PSJ"da o‘ynamaydi.
Neymarning parijliklar bilan shartnomasi 2027 yilgacha mo‘ljallangan. Hujumchi joriy mavsumda Liga 1da 20 ta o‘yinda 13 ta gol urdi va 11 ta golli uzatmani amalga oshirdi.
