Angliya chempionatining sakkizinchi turidan o‘rin olgan qoldirilgan o‘yinda «Chelsi» «Liverpul»ni mag‘lub eta olmadi, bu London klubi uchun Grem Potter bilan ajralgandan keyingi birinchi o‘yin bo‘ldi va klub hujumchisi Kay Xavers qiyin vaziyat haqida gapirdi.

«Bu oddiy hol emas. Ammo murabbiy klubni tark etganda doim shunday bo‘ladi. Bunda biz futbolchilar ham mas’uliyatni his qilyapmiz.

Mavsumning qolgan qismini qo‘limizdan kelganicha yaxshi holda o‘tkazishimiz kerak, biz turnir jadvalida unchalik pastda turishga loyiq emasmiz, lekin biz Chempionlar ligasining chorak finalidamiz, Yevropaning eng kuchli sakkiz jamoasi qatoridamiz», – dedi Xavers.

Keyingi turda «Chelsi» «Vulverxempton»ni qabul qiladi.