Angliya chempionatining yettinchi tur qoldirilgan o‘yinida «Lids» o‘z maydonida «Nottingem Forest»ni qabul qildi va kichik hisobda g‘alaba qozondi (2:1).
Uchrashuv haqida Jek Xarrison fikr bildirdi.
«Biz uchun katta muvaffaqiyat bo‘ldi, endi har bir uchrashuv muhim kechadi. Biz ikkita gol urdik, lekin, albatta, ko‘proq urishimiz mumkin edi.
Xavi Grasiya kelganidan keyin jamoa kuchaya boshladi. U mayda detallarga juda e’tiborli», - deya futbolchining so‘zlarini keltiradi BBC Sport.
Yakshanba kuni «Lids» Premyer-liganing navbatdagi, 30-turida «Kristal Pelas»ga qarshi maydonga tushadi.