"Barselona"ning sobiq hujumchisi va hozirda "Udineze" sharafini himoya qilayotgan Jerar Delofeu Angliya Premyer-ligasiga o‘tishi mumkin. Unga Londonning "Tottenxem" klubi qiziqish bildirmoqda.
Delofeu bilan shartnoma imzolash orqali ingliz klubi jamoaning hujum chizig‘iga rang-baranglik kiritmoqchi. Italiya chempionatining joriy mavsumida Jerar 16 ta o‘yin o‘tkazib, 2 ta gol va 6 ta golli uzatmaga mualliflik qilgan. Uning Udine klubi bilan shartnomasi 2024 yilgacha mo‘ljallangan.
Transfermarkt ispaniyalik hujumchining narxini 13 million yevroga baholamoqda.
