"Барселона"нинг собиқ ҳужумчиси ва ҳозирда "Удинезе" шарафини ҳимоя қилаётган Жерар Делофеу Англия Премьер-лигасига ўтиши мумкин. Унга Лондоннинг "Тоттенхэм" клуби қизиқиш билдирмоқда.
Делофеу билан шартнома имзолаш орқали инглиз клуби жамоанинг ҳужум чизиғига ранг-баранглик киритмоқчи. Италия чемпионатининг жорий мавсумида Жерар 16 та ўйин ўтказиб, 2 та гол ва 6 та голли узатмага муаллифлик қилган. Унинг Удине клуби билан шартномаси 2024 йилгача мўлжалланган.
Transfermarkt испаниялик ҳужумчининг нархини 13 миллион еврога баҳоламоқда.
