Madridning «Real» klubi yarim himoyachisi Luka Modrich klub bilan tuzilgan shartnoma holatidan o‘zini noqulay his qilmoqda, deya xabar bermoqda Goal.
Manbaga ko‘ra, «Real Madrid» vakillari 37 yoshli futbolchi yoki uning vakillari bilan shartnomani uzaytirish bo‘yicha muzokaralarni boshlash uchun haligacha bog‘lanishmagan.
Xorvatiyalik futbolchi 2022/23 yilgi mavsum yakunlanar ekan, bu vaziyatdan tobora xavotirga tushib bormoqda.
«Real Madrid»da Modrich bilan shartnoma masalasi hozircha to‘xtatib qo‘yilgan, chunki ular hali ham futbolchining yoshi va klubdagi maqomidan kelib chiqqan holda yangi taklifni o‘ylab ko‘rishmoqda.
Modrich 2012 yildan beri «Real»da o‘ynamoqda. 2022/23 yilgi mavsumda u jamoa safida barcha musobaqalarda 37 ta o‘yinda maydonga tushib, 6 ta gol urdi va 5 ta golli uzatmani amalga oshirdi.
