Angliya premyer-ligasining 7-turidan o‘rin olgan qoldirilgan o‘yinda «Vest Xem» o‘z maydonida «Nyukasl»ga yirik hisobda mag‘lub bo‘ldi – 1:5.
«Nyukasl» bosh murabbiyi Eddi Xauning fikricha, hisob aslida maydonda nima bo‘lganini aks ettirmaydi. Unga ko‘ra, raqib bunday yirik mag‘lubiyatga loyiq emas edi.
«Menimcha, tengma-teng o‘yin bo‘ldi, hisob g‘alati tuyulmoqda. Bu butunlay boshqacha bo‘lishi mumkin edi, bizga biroz omad kulib boqdi.
Ammo biz yuqori hujumlarga o‘tganimizda, o‘yin haqiqatan ham yaxshi ko‘rindi. Bu ajoyib oqshom bo‘ldi», dedi Xau.
Navbatdagi bahsda «Nyukasl» «Brentford» bilan o‘ynaydi.
