Англия премьер-лигасининг 7-туридан ўрин олган қолдирилган ўйинда «Вест Хэм» ўз майдонида «Ньюкасл»га йирик ҳисобда мағлуб бўлди – 1:5.
«Ньюкасл» бош мураббийи Эдди Хаунинг фикрича, ҳисоб аслида майдонда нима бўлганини акс эттирмайди. Унга кўра, рақиб бундай йирик мағлубиятга лойиқ эмас эди.
«Менимча, тенгма-тенг ўйин бўлди, ҳисоб ғалати туюлмоқда. Бу бутунлай бошқача бўлиши мумкин эди, бизга бироз омад кулиб боқди.
Аммо биз юқори ҳужумларга ўтганимизда, ўйин ҳақиқатан ҳам яхши кўринди. Бу ажойиб оқшом бўлди», деди Хау.
Навбатдаги баҳсда «Ньюкасл» «Брентфорд» билан ўйнайди.