Hujumchi Ansu Fatining «Barselona»dagi kelajagi noma’lumligicha qolmoqda.
O‘tgan hafta futbolchining otasi klubni ochiqchasiga tanqid qilib, o‘g‘liga o‘yin amaliyoti berilmayotganini ta’kidlab, unga ketishni maslahat berdi.
Ma’lumki, «ko‘k-anorranglilar» rahbariyati sabr qilish uchun allaqachon Fati oilasiga murojaat qilgan, ammo klubning ba’zi yuqori lavozimli amaldorlari 20 yoshli futbolchidan jamoa ajralishi kerak, deb hisoblamoqda.
Ansu Fatiga Angliya premyer-ligasi vakillari qiziqish bildirmoqda. Uning shartnomasi 2027 yilgacha mo‘ljallangan bo‘lib, transfer narxi 35 million yevroni tashkil qiladi.