Ҳужумчи Ансу Фатининг «Барселона»даги келажаги номаълумлигича қолмоқда.
Ўтган ҳафта футболчининг отаси клубни очиқчасига танқид қилиб, ўғлига ўйин амалиёти берилмаётганини таъкидлаб, унга кетишни маслаҳат берди.
Маълумки, «кўк-анорранглилар» раҳбарияти сабр қилиш учун аллақачон Фати оиласига мурожаат қилган, аммо клубнинг баъзи юқори лавозимли амалдорлари 20 ёшли футболчидан жамоа ажралиши керак, деб ҳисобламоқда.
Ансу Фатига Англия премьер-лигаси вакиллари қизиқиш билдирмоқда. Унинг шартномаси 2027 йилгача мўлжалланган бўлиб, трансфер нархи 35 миллион еврони ташкил қилади.