"Real" bilan shartnoma imzolagan "Palmeyras" hujumchisi Endrik afsonaviy hujumchi Pele bilan taqqoslanganiga munosabat bildirdi.
"Gol urmasligim meni qiziqtirmaydi. Bilaman, bu o‘z-o‘zidan keladi. Men kuchli bo‘lishim kerak. Tanqid susaymaydi, bundan ham ko‘proq chidashga to‘g‘ri keladi. Lekin hech kim menga achinmasin, boshimni silamasin. Ba’zida jurnalistlar chegarani kesib o‘tib, meni "yangi Pele" deb atashadi. Lekin hech kim "yangi Pele"ga aylanmaydi, u futbol qiroli" - dedi Endrik.
"Real" 16 yoshli Endrik uchun 35 million yevro to‘lagan. Biroq hujumchi faqat balog‘at yoshida Madridga o‘tadi. U joriy mavsumda 13 ta o‘yinda maydonga tushib, 1 ta gol va 1 ta golli uzatmani amalga oshirdi.
