"Bavariya" hujumchisi Tomas Myuller yozgi transfer oynasida yangi hujumchi sotib olish g‘oyasini qo‘llab-quvvatlamoqda. Kicker ma’lumotlariga ko‘ra, nemis futbolchisi keyingi mavsum uchun bitta Erik Chupo-Motingning o‘zi yetarli emas deb hisoblamoqda.
"Bavariya" rahbariyati uzoq vaqtdan beri yangi hujumchi sotib olish g‘oyasini ilgari surmoqda. Robert Levandovski ketganidan so‘ng, klub Sadio Manening yaxshi o‘rinbosar bo‘lishiga umid qilgandi. Biroq senegallik hali umidlarni oqlay olmadi.
Avvalroq "Bavariya" "Tottenxem" hujumchisi Xarri Keynni sotib olishi mumkinligi haqida xabarlar tarqalgan edi, ammo ingliz futbolchisi Premyer-ligada qolishni istaydi.
