"Бавария" ҳужумчиси Томас Мюллер ёзги трансфер ойнасида янги ҳужумчи сотиб олиш ғоясини қўллаб-қувватламоқда. Kicker маълумотларига кўра, немис футболчиси кейинги мавсум учун битта Эрик Чупо-Мотингнинг ўзи етарли эмас деб ҳисобламоқда.
"Бавария" раҳбарияти узоқ вақтдан бери янги ҳужумчи сотиб олиш ғоясини илгари сурмоқда. Роберт Левандовски кетганидан сўнг, клуб Садио Маненинг яхши ўринбосар бўлишига умид қилганди. Бироқ сенегаллик ҳали умидларни оқлай олмади.
Аввалроқ "Бавария" "Тоттенхэм" ҳужумчиси Харри Кейнни сотиб олиши мумкинлиги ҳақида хабарлар тарқалган эди, аммо инглиз футболчиси Премьер-лигада қолишни истайди.
