"Barselona" yarim himoyachilari Pedri va Frenki de Yong La Liganing navbatdagi turida "Xetafe"ga qarshi o‘yinda maydonga qaytishlari kerak. Bu haqda Sport nashri xabar bermoqda.
Eslatib o‘tamiz, har ikkala futbolchi kecha "Real Madrid" jamoasiga qarshi bo‘lib o‘tgan Ispaniya kubogi yarim finalini o‘tkazib yuborgan, o‘yinda "Barselona" 0:4 hisobida mag‘lub bo‘lgan va turnirni tark etgandi.
De Yong xalqaro tanaffus oldidan jarohat oldi va natijada Niderlandiyaga Yevropa chempionatiga saralash o‘yinlarida yordam bera olmadi. Pedri ham xuddi shu vaqtda jarohat olgan va o‘z klubi hamda terma jamoasi uchun bir nechta muhim o‘yinlarni o‘tkazib yuborishga majbur bo‘lgan.