"Yuventus" "Inter" hujumchisi Romelu Lukakuga qarshi haqoratomuz irqchilikka oid qo‘shiqlar aytgan muxlislarni aniqlashga muvaffaq bo‘ldi.

Jurnalist Jovanni Albaneze ijtimoiy tarmoqlarda yozishicha, gap voyaga yetmagan va voyaga yetgan yigit haqida ketyapti. Ulardan birinchisi 10 yilga, ikkinchisi esa bir umrga stadionga kirishi taqiqlanadi.

Eslatib o‘tamiz, Italiya kubogi birinchi yarim finalida "Yuventus" va "Inter" 1:1 hisobida durang o‘ynagandi. Jamoalar Milanda bo‘lib o‘tadigan javob o‘yinlari yakunlariga ko‘ra turnir finali yo‘llanmasi uchun kurash olib boradi.