"Valensiya" darvozaboni Giorgi Mamardashvili ko‘plab Yevropa gigantlarining radarida bo‘lib turibdi. Cope xabariga ko‘ra, 22 yoshli gruziyalik uchun poygada favorit "Chelsi" hisoblanadi.
Avvalroq, matbuotda Mamardashvili vakillari allaqachon "Chelsi" bilan aloqada bo‘lgani haqida ma’lumotlar paydo bo‘lgandi.
Giorgi Mamardashvilining "Valensiya" bilan amaldagi shartnomasida 100 million yevroga sotib olish imkoniyati mavjud. Albatta, har qanday potensial xaridor gruziyalik uchun bu miqdorni to‘lamaydi, lekin muzokaralar olib borishga harakat qiladi.
2022/2023 yilgi mavsumda Mamardashvili 31 ta rasmiy o‘yin o‘tkazib, 36 ta gol o‘tkazib yuborgan.
