"Валенсия" дарвозабони Гиорги Мамардашвили кўплаб Европа гигантларининг радарида бўлиб турибди. Cope хабарига кўра, 22 ёшли грузиялик учун пойгада фаворит "Челси" ҳисобланади.
Аввалроқ, матбуотда Мамардашвили вакиллари аллақачон "Челси" билан алоқада бўлгани ҳақида маълумотлар пайдо бўлганди.
Гиорги Мамардашвилининг "Валенсия" билан амалдаги шартномасида 100 миллион еврога сотиб олиш имконияти мавжуд. Албатта, ҳар қандай потенциал харидор грузиялик учун бу миқдорни тўламайди, лекин музокаралар олиб боришга ҳаракат қилади.
2022/2023 йилги мавсумда Мамардашвили 31 та расмий ўйин ўтказиб, 36 та гол ўтказиб юборган.
