"Manchester Siti" yarim himoyachisi Ilkay Gyundogan YECHL chorak finalida "Bavariya"ga qarshi o‘yindan umidlari bilan o‘rtoqlashdi. Eslatib o‘tamiz, birinchi o‘yin keyingi haftada bo‘lib o‘tadi.
"Ikkala jamoa ham Chempionlar ligasida g‘alaba qozonishni istaydi va maqsadga erishish uchun hamma narsani sarflashga tayyor. Biz "Bavariya"ning kuchli tomonlarini bilamiz, ayniqsa ular o‘z uylarida o‘ynaganlarida. Bu dunyoning eng yaxshi ikki murabbiyining uchrashuvi bo‘ladi. Har ikkisi ham o‘z uslublariga ega va mayda tafsilotlarga katta e’tibor berishadi”, — dedi Gyundogan Bild nashriga.
Gyundogan joriy mavsum ligada 4 ta gol urdi va 3 ta golli uzatmani amalga oshirdi. Mavsum yakunida futbolchi erkin agentga aylanishi mumkin.
