"Манчестер Сити" ярим ҳимоячиси Илкай Гюндоган ЕЧЛ чорак финалида "Бавария"га қарши ўйиндан умидлари билан ўртоқлашди. Эслатиб ўтамиз, биринчи ўйин кейинги ҳафтада бўлиб ўтади.
"Иккала жамоа ҳам Чемпионлар лигасида ғалаба қозонишни истайди ва мақсадга эришиш учун ҳамма нарсани сарфлашга тайёр. Биз "Бавария"нинг кучли томонларини биламиз, айниқса улар ўз уйларида ўйнаганларида. Бу дунёнинг энг яхши икки мураббийининг учрашуви бўлади. Ҳар иккиси ҳам ўз услубларига эга ва майда тафсилотларга катта эътибор беришади”, — деди Гюндоган Bild нашрига.
Гюндоган жорий мавсум лигада 4 та гол урди ва 3 та голли узатмани амалга оширди. Мавсум якунида футболчи эркин агентга айланиши мумкин.
