“Real” bosh murabbiyi Karlo Anchelotti Ispaniya chempionati doirasidagi ertangi “Vilyarreal”ga qarshi o‘yindan oldingi fikrlari bilan o‘rtoqlashdi.

“Futbolchilar o‘zlarini charchagan his qilishmoqda, biz tarkib tanlashga mas’uliyat bilan yondashishimiz kerak. "Barselona"ga qarshi o‘yin juda muhim edi, chunki biz finalga chiqa oldik. Men bu o‘yinni faoliyatimdagi eng yaxshi 10 talikka kiritgan bo‘lardim”, dedi Anchelotti matbuot anjumanida.

Eslatib o‘tamiz, Ispaniya chempionatida "Real Madrid" peshqadam "Barselona"dan 12 ochko ortda qolmoqda.