"Barselona" bosh murabbiyi Xavi Ernandes o‘z kelajagi haqida hali bir qarorga kelmagan yarim himoyachi Serxio Busketsni jamoada saqlab qolish uchun bor kuchi bilan harakat qilmoqda. Eslatib o‘tamiz, yarim himoyachi kelasi yozda erkin agent sifatida ketishi mumkin.
Sport xabariga ko‘ra, Xavi Busketsga bosim o‘tkazmoqda va bor kuchi bilan futbolchini maoshi qisqartirilgan holda shartnomani uzaytirishga ko‘ndirishga harakat qilmoqda. Manbaning aytishicha, murabbiy Busketsni kelasi mavsum uchun jamoasining muhim qismi deb hisoblaydi.
Eslatib o‘tamiz, Serxioda faoliyatini "Inter Mayami"da davom ettirish imkoniyati bor, bu klub esa yarim himoyachiga katta maosh taklif qiladi.
