"Chelsi"ning sobiq bosh murabbiyi Gus Xiddink Frenk Lempardning vaqtincha boshqaruvchi etib tayinlanishi haqida gapirdi.
"To‘g‘risini aytsam, men uni nafaqat vaqtinchalik murabbiy sifatida ko‘rishni istardim, balki u loyihani keyingi mavsumda ham davom ettirish imkoniyatiga ishonch bildirsa yaxshi bo‘lardi. U kabi klubni boshqa hech kim yaxshi bilmaydi va davomiylikni saqlab qolish muhim. Hamma kabi Lempardga ham vaqt kerak bo‘ladi. "Chelsi" juda ko‘p mablag‘ sarfladi, ammo endi jamoa g‘oyalarga moslashishi kerak.
Menga Lempard juda yoqadi. Umid qilamanki, u “Chelsi”ni bu vaziyatdan olib chiqib, o‘zi munosib bo‘lgan joyga qaytaradi”, dedi Xiddink The Telegraph nashriga.
"Chelsi" hozirda APL turnir jadvalida 11-o‘rinda bormoqda.
