"Челси"нинг собиқ бош мураббийи Гус Хиддинк Фрэнк Лэмпарднинг вақтинча бошқарувчи этиб тайинланиши ҳақида гапирди.
"Тўғрисини айтсам, мен уни нафақат вақтинчалик мураббий сифатида кўришни истардим, балки у лойиҳани кейинги мавсумда ҳам давом эттириш имкониятига ишонч билдирса яхши бўларди. У каби клубни бошқа ҳеч ким яхши билмайди ва давомийликни сақлаб қолиш муҳим. Ҳамма каби Лэмпардга ҳам вақт керак бўлади. "Челси" жуда кўп маблағ сарфлади, аммо энди жамоа ғояларга мослашиши керак.
Менга Лэмпард жуда ёқади. Умид қиламанки, у “Челси”ни бу вазиятдан олиб чиқиб, ўзи муносиб бўлган жойга қайтаради”, деди Хиддинк The Telegraph нашрига.
"Челси" ҳозирда АПЛ турнир жадвалида 11-ўринда бормоқда.
