"Barselona" hozirda "PSJ"da o‘ynayotgan hujumchi Lionel Messining qaytishidan umidvor.

Sport.es xabariga ko‘ra, klub 35 yoshli futbolchiga bir yillik shartnoma taklif qilmoqchi. "Barselona" bu kelishuv jamoa uchun iqtisodiy jihatdan foydali bo‘ladi deb hisoblamoqda.

Oldinroq "Barselona" 3-9 aprel oralig‘ida Messiga taklif bilan chiqish niyatida ekani xabar qilingandi.

Forvard 2021 yilning yozidan buyon Fransiya jamoasida to‘p surmoqda. Argentinalik parijliklar o‘rtasidagi amaldagi kelishuv 2022/23 yilgi mavsum oxirigacha mo‘ljallangan.

Ma’lum bo‘lishicha, hujumchi fransuz klubi bilan shartnomasi tugaganidan keyin "Barselona"ga qaytishi mumkin.

Messi joriy mavsumda "PSJ" safida 33 ta o‘yinda maydonga tushib, 18 ta gol urdi va 17 ta golli uzatmani amalga oshirdi.