"Byornli" birinchi urinishdayoq hayratlanarli darajada osonlik bilan Premyer-ligaga qaytdi.
Bugun Vensan Kompani shogirdlari muddatidan avval oliy divizion yo‘llanmasini qo‘lga kiritib, "Midlsbro"ni mag‘lub etdi (2:1). Sky Sports ma’lumotlariga ko‘ra, "Byornli" chempionat rekordini o‘rnatdi - mavsum tugashiga 7 tur qolganida hali hech qaysi jamoa bunday erta Premyer-liga yo‘llanmasini hal qilmagandi.
O‘tkazilgan 39 uchrashuvdan so‘ng, Kompani shogirdlari 87 ochko to‘pladi, bu uchinchi o‘rindagi "Luton"dan 19 ochko ko‘p. Eslatib o‘tamiz, Premyer-ligaga to‘g‘ridan-to‘g‘ri yo‘llanma birinchi ikki jamoaga beriladi va uchinchidan oltinchi o‘rinlarni egallagan jamoalar elitaga so‘nggi yo‘llanmani pley-off orqali o‘ynaydi.
