"Бёрнли" биринчи уринишдаёқ ҳайратланарли даражада осонлик билан Премьер-лигага қайтди.
Бугун Венсан Компани шогирдлари муддатидан аввал олий дивизион йўлланмасини қўлга киритиб, "Мидлсбро"ни мағлуб этди (2:1). Sky Sports маълумотларига кўра, "Бёрнли" чемпионат рекордини ўрнатди - мавсум тугашига 7 тур қолганида ҳали ҳеч қайси жамоа бундай эрта Премьер-лига йўлланмасини ҳал қилмаганди.
Ўтказилган 39 учрашувдан сўнг, Компани шогирдлари 87 очко тўплади, бу учинчи ўриндаги "Лутон"дан 19 очко кўп. Эслатиб ўтамиз, Премьер-лигага тўғридан-тўғри йўлланма биринчи икки жамоага берилади ва учинчидан олтинчи ўринларни эгаллаган жамоалар элитага сўнгги йўлланмани плей-офф орқали ўйнайди.
