«Manchester Siti» hujumchisi Erling Xoland APLning 30-turida «Sautgempton»ga qarshi o‘yinda dubl qayd etdi (4:1).
Norvegiyalik futbolchi Premyer-ligadagi 27-uchrashuvini o‘tkazdi, u turnir to‘purarlari ro‘yxatini boshqarib turibdi (30 gol). «Tottenxem» hujumchisi Xarri Keyn 23 gol bilan ikkinchi o‘rinda.
Eslatib o‘tamiz, «Liverpul»dan Muhammad Saloh 38 ta o‘yindan iborat bo‘lgan turnirda APLda bir mavsumda eng ko‘p gol urgan – 2017/18 yilgi mavsumda 32 ta gol.
34 ta golli liga rekordi Endi Koul (Nyukasl 1993/94) va Alan Shirerga (Blekbern 1994/95) tegishli, ammo ular Premyer-ligada bir mavsumda 42 ta o‘yin o‘tkazganlarida bu natijaga erishgan.
