Lionel Messi Yevropa klublaridagi gollari soni bo‘yicha Krishtianu Ronaldudan o‘zib ketdi.

Hujumchi “PSJ” safida Liga 1 30-tur uchrashuvida (2:0) “Nissa” darvozasini ishg‘ol qildi.

Bu argentinalik futbolchining Yevropa klublari safidagi rasmiy o‘yinlaridagi 702-goli bo‘ldi. Messi “Barselona” safida 672, “PSJ” safida esa 30 ta gol urgan.

Ronaldu Yevropa klublari safida 701 ta gol urgan (5 gol "Sporting", "Manchester Yunayted" uchun 145 ta, "Real" uchun 450 ta, "Yuventus" uchun 101 ta).

Yevropaning top-5 chempionatlari doirasida Krishtianu 495 ta gol urgan, bu ko‘rsatkich bo‘yicha u Lioneldan 1 golga oldinda.